شاب يروي تفاصيل رفض مستشفى إستقبال طفل مصاب بإختناق: "ما كان يستقبلوه لحد ما وقف قلبو واختنق..أخدناه من بعدها على مستشفى اللبناني الإيطالي، اشتغلو فيه ساعة و40 دقيقة، عاش ودق قلبه"

bintjbeil.org - موقع بنت جبيل

سياسة ومحليات

شاب يروي تفاصيل رفض مستشفى إستقبال طفل مصاب بإختناق: "ما كان يستقبلوه لحد ما وقف قلبو واختنق..أخدناه من بعدها على مستشفى اللبناني الإيطالي، اشتغلو فيه ساعة و40 دقيقة، عاش ودق قلبه"

61,963 مشاهدة

A+ A-

نشر الشاب على حدرج عبر حسابه على فايسبوك ما حصل معهم أثناء نقلهم طفل يدعى عبد الرحيم ويبلغ من العمر أربعة سنوات مصاب بإختناق حيث رفضت إحدى المستشفيات إستقباله وقال:"هيدا الصبي إسمو عبدالرحيم ، صبي قريب للقلب عمرو ٤ سنين ، اختنق هو و عم ياكل و نزلناه على مستشفى "محترم" بمدينة صور ، ما كانو يستقبلوه لحد ما وقف قلبو و اختنق ، أخدناه من بعدها على مستشفى اللبناني الإيطالي ، استقبلوه و اشتغلو فيه حوالي الساعة و أربعين دقيقة ، الصبي عاش و دق قلبه و التنفس عم يرجع طبيعي شوي شوي و سحبولو الأكل من مجرى التنفس ، أنا عم اكتب لصار لـ٣ اسباب ، الأول بدي أشكر المشفى اللبناني الإيطالي و الطاقم الطبي بالطوارئ لقام بدوره الإنساني و الأخلاقي و الطبي تجاه إنسان وصل لعندهم ميت ، والسبب التاني بدي أشكر المستشفى لطردت الولد و أهلو يمكن كرمال فقير او كرمال لون بشرتو او مش اختصاصهم الطب بس شغلتهم تجارة ، و السبب التالت هو ليش ما عنا مشفى مجهز بعناية أطفال بمنطقة صور؟! مش بشر يعني نحنا؟! ما عنا أطفال ممكن تختنق او تمرض ، اقرب مشفى عناية اطفال علينا هو بصيدا ، بس مش مهم ، الأعمار بيد الله و الله نجالنا هالصبي و رح يرجع عبيتو قريبا و يروح على المدرسة."

لمتابعة آخر التطورات لحظة بلحظة عبر قناة موقع بنت جبيل على التلغرام:

https://t.me/bintjbeilnews

لمتابعة آخر التطورات لحظة بلحظة عبر قناة موقع بنت جبيل على التلغرام:

تغطية مباشرة آخر الأخبار

زوارنا يتصفحون الآن